يوميات اطفال مشاغبون ومعلمة مجنونة5
اااااااااااااااااااااه يانا يادماغى
هههههههههههههههههه
ايه الدخله دى معلش اصل هنجت هالص
يافتاح ياعليم يارزاق ياكريم
الواحده تدخل الفصل من هنا تلاقى كراريس الواجب مترصصه على الديسك بتاعى
مستقبلانى على طول واشوف البدع بقى بس العيال اتطوروا بقى يقولوا سلاموا عليكوا
وبيدخلوا بأبتسامه حلوة وعلى طول ازيك ياميس وسلام رجاله , انا اللى علمتهم سلام الرجاله ده ههههه
الواد امير حساس اوى لو حد زعله مايجيش تانى يوم طبعاً مش انا اللى بزعله ماشاء الله عليه عليه خبطه ايد
تموت على طول بفتح الباب وهو داخل ادانى بوكس روحى راحت ههههههههه ولما يحبنى اوى ويدينى حضن
ببقى عايزة حد يجيبلى اكسجين بسرعه ههههههههه ومش بفهممنه ولا كلمه غير ابا اوح ابا هه يعنى ابله عايز اروح
وابله عايز اتمرجح ومحدش يعرف ياخد منه حاجه وماشاء الله عارف حاجته وماحفظ جدا, شهد حبيبة ماما نونا
بنوتة لذيذه اوى ودايماً ماتاكولش اى حاجه الا لازم ادوقها الاول ولازم تعزم على بقيت الاطفال وانا معوداها من السنه اللى
فاتت انها ماتبخلش على حد واى حد يطلب منها حاجه تديله وكل اطفالى السنه اللى فاتت كانوا كده حسب ماعودتهم بس مافيش غير شهد بس هى اللى عندى من السنه اللى فاتت بس بقت شقيه موووووووووووت وكلهم فى kg يقولوا طالعه لابلتها دلعيهم ياختى دلعيهم ههههههههه , اموتهم يعنى مانا لازم ادلعهم وهو ده اللى بيخلى العيال تحب التعليم ,
محمد عايز انام بقى يروح فصله خلاص مابقاش يجى عندى بس النهارده اتفاجأت بيه فى الفصل بقوله انت عايز تنام
قالى اه قولتله طيب روح نام فى فصلك ههههههههههه راح على طول
محمد التانى بقى فضل يعيط امبارح ويتنرفز فيه ايه يابنى كالعاده مش فاهمه منه حاجه بس فى الاخر فهمت
انه بيعيط عشان تمرايه وقعت منه ومصمم يروح يجيب واحده ويجى ههههههههههه
زياد بيخاف عليا اوى لما اقول هتموتووووووووووونى يقولى بعد الشر عليكى اقوله عادى عشان ارتاح يقولى لا بعد الشر
حتى لو موتى هبقى اجى ازورك انا وماما لقوله لا مش عايزاك تزورنى ربنا يخليك اوعى تقرب من قبرى يقول لا والله لازم اجيلك
طيب يازياد مدام مصمم تعالى هههههههههههه , يوسف البطئ لسه بطيئ ومريم بطيئه زيه والاتنين ابطئ من بعض ومسمياهم بطئ وبطيئه ههههههههههههههههههههه
بس يوسف اخد عليا اوى ومزعقاله النهارده عشان يعرف ان للكلام حدود بيتكلم كأنه قاعد فى الشارع , وائل بقى عنيد بيعمل عكس اللى اقوله عليه بس لما بزعقله بيقعد وبعد ثوانى يرجع تانى ولا كأن حاجه النهارده ادم جه ومعاه جدته والدة مامته هو مش بيجى غير مره كل شهر جدته بتخاف عليه جدااااااااا مع انه ماشاء الله مفتح وجدع بتفضل مستنياه وتدخل تأكله النهارده جايه تزعق للعيال وتقول اللى هيضربه والا اللى هياخد الساندوتش بتاعه هحرقه بالنار ههههههههه بتقولى العيال بيضربوه وبياكله اكله مع ان مافيش حد بياكل اكل حد وهو اساسا اليوم اللى بيجيه جدته اللى بتأكله وتشربه والهارده على الساعه 11 كده دخلت الفصل لاقيتنا ساكتيت
اخدته ومشيت الداده داخله عليا زعلانه بتقولى ان جدت ادم بتقول لما اقوم اخد الوله واروح مدام الابله مابتديهومش حاجه وقاعدين كده هههههههههههه طبعا الداده اتضايقت عشان عارفه اننا مابقعدش ولما مش بيطلع لينا صوت ببقى العيال بيكتبوا واحنا اساساً كلنا المدرسات من اول مابندخل مابنقعدش شغالين لغايه اخر دقيقه وفى اخر اليوم بنبقى ميتين يعنى من الاخر مافيش حد بيقدر ان تيجى واحده مابتجيش غير مره فى الشهر تضيع مجهوده بكلمه تنرفز , مريم نمنم عسوله اوى كان فيه كراسه عليها استيكرز نور ومهند اول ماشافتها قالتلى بابى قولتلها بابى ده قالتلى اه فانا قولت بقى انه عشان راجل وخلاص بتقول عليه بابى بس لما باباها جه ياخدها
ماشاء الله احلى من مهند هههههههههه العيال بتفهم وكل يوم تفرح لما تسمع اذان الضهر عشان عارفه ان ميعاد المرواح قرب ومش عارفه بقى زى كل مره فيه حاجات كتير ظريفه حصلت بس انا نسيت وكمان مش فى المود
واستنونى بقى المره الجايه.......
مما اعجبنى كثيراً للمتنبى
وَاحَـرّ قَلْبـاهُ مـمّنْ قَلْبُـهُ شَبِـمُ
وَمَنْ بجِسْمـي وَحالي عِنـدَهُ سَقَـمُ
ما لي أُكَتِّمُ حُبًّا قَدْ بَـرَى جَسَـدي
وَتَدّعي حُبّ سَيفِ الدّوْلـةِ الأُمَـمُ
إنْ كَـانَ يَجْمَعُنَـا حُـبٌّ لِغُرّتِـهِ
فَلَيْتَ أنّـا بِقَـدْرِ الحُـبّ نَقْتَسِـمُ
قد زُرْتُهُ وَسُيُـوفُ الهِنْـدِ مُغْمَـدَةٌ
وَقـد نَظَـرْتُ إلَيْـهِ وَالسّيُـوفُ دَمُ
فكـانَ أحْسَـنَ خَلـقِ الله كُلّهِـمِ
وَكانَ أحسنَ ما فِي الأحسَنِ الشّيَـمُ
فَوْتُ العَـدُوّ الـذي يَمّمْتَـهُ ظَفَـرٌ
فِـي طَيّـهِ أسَـفٌ فِي طَيّـهِ نِعَـمُ
قد نابَ عنكَ شديدُ الخوْفِ وَاصْطنعتْ
لَكَ المَهـابَـةُ ما لا تَصْنَـعُ البُهَـمُ
ألزَمْتَ نَفْسَكَ شَيْئـاً لَيـسَ يَلزَمُهـا
أنْ لا يُـوارِيَهُـمْ أرْضٌ وَلا عَـلَـمُ
أكُلّمَا رُمْتَ جَيْشـاً فانْثَنَـى هَرَبـاً
تَصَرّفَـتْ بِـكَ فِي آثَـارِهِ الهِمَـمُ
عَلَيْـكَ هَزْمُهُـمُ فِي كـلّ مُعْتَـرَكٍ
وَمَا عَلَيْـكَ بِهِمْ عَـارٌ إذا انهَزَمُـوا
أمَا تَرَى ظَفَراً حُلْـواً سِـوَى ظَفَـرٍ
تَصافَحَتْ فيهِ بِيضُ الـهِنْدِ وَاللِّمـمُ
يا أعدَلَ النّـاسِ إلاّ فِـي مُعامَلَتـي
فيكَ الخِصامُ وَأنتَ الخصْمُ وَالحكَـمُ
أُعِيذُهـا نَظَـراتٍ مِنْـكَ صادِقَـةً
أن تحسَبَ الشّحمَ فيمن شحمـهُ وَرَمُ
وَمَا انْتِفَـاعُ أخـي الدّنْيَـا بِنَاظِـرِهِ
إذا اسْتَوَتْ عِنْـدَهُ الأنْـوارُ وَالظُّلَـمُ
سَيعْلَمُ الجَمعُ مـمّنْ ضَـمّ مَجلِسُنـا
بأنّني خَيـرُ مَنْ تَسْعَـى بـهِ قَـدَمُ
أنَا الذي نَظَـرَ الأعْمَـى إلى أدَبـي
وَأسْمَعَتْ كَلِماتـي مَنْ بـهِ صَمَـمُ
أنَامُ مِلْءَ جُفُونـي عَـنْ شَوَارِدِهَـا
وَيَسْهَـرُ الخَلْـقُ جَرّاهَـا وَيخْتَصِـمُ
وَجاهِلٍ مَـدّهُ فِي جَهْلِـهِ ضَحِكـي
حَتَّـى أتَتْـه يَـدٌ فَـرّاسَـةٌ وَفَـمُ
إذا رَأيْـتَ نُيُـوبَ اللّيْـثِ بـارِزَةً
فَـلا تَظُـنّـنّ أنّ اللّيْـثَ يَبْتَسِـمُ
وَمُهْجَةٍ مُهْجَتـي من هَمّ صَاحِبـها
أدرَكْتُـهَا بجَـوَادٍ ظَـهْـرُه حَـرَمُ
رِجلاهُ فِي الرّكضِ رِجلٌ وَاليدانِ يَـدٌ
وَفِعْلُـهُ مَا تُريـدُ الكَـفُّ وَالقَـدَمُ
وَمُرْهَفٍ سرْتُ بينَ الجَحْفَلَيـنِ بـهِ
حتَّى ضرَبْتُ وَمَوْجُ المَـوْتِ يَلْتَطِـمُ
ألخَيْـلُ وَاللّيْـلُ وَالبَيْـداءُ تَعرِفُنـي
وَالسّيفُ وَالرّمحُ والقرْطاسُ وَالقَلَـمُ
صَحِبْتُ فِي الفَلَواتِ الوَحشَ منفَـرِداً
حتى تَعَجّبَ منـي القُـورُ وَالأكَـمُ
يَا مَـنْ يَعِـزّ عَلَيْنَـا أنْ نُفَارِقَهُـمْ
وَجدانُنا كُلَّ شـيءٍ بَعدَكـمْ عَـدَمُ
مَا كـانَ أخلَقَنَـا مِنكُـمْ بتَكرِمَـةٍ
لَـوْ أنّ أمْرَكُـمُ مِـن أمرِنَـا أمَـمُ
إنْ كـانَ سَرّكُـمُ ما قالَ حاسِدُنَـا
فَمَـا لجُـرْحٍ إذا أرْضـاكُـمُ ألَـمُ
وَبَيْنَنَـا لَـوْ رَعَيْتُـمْ ذاكَ مَعـرِفَـةٌ
إنّ المَعارِفَ فِي أهْـلِ النُّهَـى ذِمَـمُ
كم تَطْلُبُونَ لَنَـا عَيْبـاً فيُعجِزُكـمْ
وَيَكْـرَهُ الله مـا تَأتُـونَ وَالكَـرَمُ
ما أبعدَ العَيبَ والنّقصانَ منْ شَرَفِـي
أنَـا الثّرَيّـا وَذانِ الشّيـبُ وَالهَـرَمُ
لَيْتَ الغَمَامَ الذي عنـدي صَواعِقُـهُ
يُزيلُهُـنّ إلـى مَـنْ عِنْـدَهُ الدِّيَـمُ
أرَى النّـوَى يَقتَضينـي كلَّ مَرْحَلَـةٍ
لا تَسْتَقِـلّ بِهَـا الوَخّـادَةُ الرُّسُـمُ
لَئِـنْ تَرَكْـنَ ضُمَيـراً عَنْ مَيامِنِنـا
لَيَحْـدُثَـنّ لـمَنْ وَدّعْتُهُـمْ نَـدَمُ
إذا تَرَحّلْـتَ عن قَـوْمٍ وَقَد قَـدَرُوا
أنْ لا تُفـارِقَهُـمْ فالرّاحِلـونَ هُـمُ
شَرُّ البِـلادِ مَكـانٌ لا صَديـقَ بِـهِ
وَشَرُّ ما يَكسِبُ الإنسـانُ ما يَصِـمُ
وَشَـرُّ ما قَنّصَتْـهُ رَاحَتـي قَنَـصٌ
شُهْبُ البُـزاةِ سَـواءٌ فيهِ والرَّخَـمُ
بأيّ لَفْـظٍ تَقُـولُ الشّعْـرَ زِعْنِفَـةٌ
تَجُوزُ عِنـدَكَ لا عُـرْبٌ وَلا عَجَـمُ
هَـذا عِتـابُـكَ إلاّ أنّـهُ مِـقَـةٌ
قـد ضُمّـنَ الـدُّرَّ إلاّ أنّـهُ كَلِـمُ
يوميات اطفال مشاغبون ومعلمة مجنونة4
ورجعنا تاااااااااااااااانى
سكوت ماسمعششش نفس
هههههههههههههههههههههه
بجد اليومين دول كانوا صعبين اوى حاسه انى دماغى بتزززززززززززززن
انا كل يوم بيجيوا الاطفال يدخلوا الكلاس هادين هالص ومافيش حد بيقول سلاموا عليكوا
مش عارفه اكيد العيب منى مع انى والله كل يوم اقولهم لازم اما ندخل من الباب نخبط ونقول السلام عليكوا
بس فيه بيقولوا انا عندى الاطفال صغننين اوى كلهم 3 سنين والله بيصعبوا عليا انهم مش يبقوا مع ممتهم فى السن ده
كنت انا شايفه العيال كده صعبانين عليا انهم يكتبوا طول اليوم ويحفظوا ويتمرجحوا وياكلوا بس ملل لازم اعملهم حاجه جديده
قولت العب معاهم كلنا وهما ماشاء الله ماصدقوا كلهم اتلموا عليا كنت حاسه انى الكوره فضلنا نلعب وكانوا مبسوطين اوى
ومافيش حد بيعيط بس مصطفى طناش طلع شقى اوى رغم طناشه ودايماً مصدرلى الطرشه فضل يلعب هو وزياد غتاته
ويلفوا حوالين الكراسى وماشاء الله عليه ضحكة مصطفى جميله اوى وهو رقيق هالص , بس يادوب الباب خبط وروحت افتح
كانت والدة طفله جايه تاخد بنتها يادوب قفلت الباب وبتلفت لاقيت مصيبه وشمس عشريه عماله تعيط والعيال ملمومه ببص
لاقيت مصطفى دماغه فى الكرسى يعنى الكرسى متعلق فى رقبته زى السلسله وانا قلبى وقف واحاول اطلع الكرسى استحاله
الولد فضل يعيط وكل اما احاول اخرجه من الكرسى يصوت وانا اترعش وخايفه عليه اقوله انت حطيت دماغه ازاى كده
يقولى زياد مش انا يخرب عقلك يازياد دخلته كده ازاى وانا دمى نشف جت السكرتيره اخدته وديته للمدير وخرجه فى ثوانى
المدير كان خايف عليا انا كنت فكرا هيزعقلى بس الحمد لله قدرنى وكمان انا لوحدى
يعنى كتر خيرى
انا بجد كنت مرعوبه عليه ووشى اصفر وبقى حالى حال مابقيتش عارفه اتلم على اعصابى وهو بعدها فضل يضحك ويتمرجح
ولا كأن حاجه حصلت ,اخدتهم الكمبيوتر يتفرجوا على كارتون وشويه وسمعت ولى امر بيزعق بصوت عالى
انا مش عارفه فيه ايه طلعت اشوف لاقيته بيقول للمدرسه اللى فى kg2 البت مابقيتش عايزة تيجى بسببك انت ازاى تضربيها
دى المدرسه بتاعت السنه اللى فاتت الكل بيشكر فيها والبت كانت بتحب تيجى عشانها وبتدلع العيال وعمرها ماضربتهم
والله انا ماعرفها بس من كتر الكلام عنها عايز اروح اشكرها ده كل العيال اللى كانوا عندها اولياء امورهم كلهم بيشكروا فيها
وفى طيبتها وحنيتها كأنها امهم انا نفسى اشوفها من كتر الكلام عنها, وانا واقفه طبعاً روحت داخله لان الكلام عنى لان انا المدرسه
بتاعت السنه اللى فاتت وانا من كتر ماالامهات اللى بيفضلوا يمدحوا فيا والله بتحرج جدا مش بعرف ارد عليهم
الحمدلله انهم بيشكروا فيا مش بيعيبوا فيا اهم شئ فى الدنيا محبة الناس ده رزق من عند ربنا ودايماً ماما تدعيلى وتقولى
ربنا يحبب فيكى خلقه
الحمدلله والله من وقت الكرسى اللى لبس دماغ مصطفى ههههههههههه كل شويه اخد العيال فى حضنى من خوفى عليهم
كأنهم عيالى هما فعلاً عيالى وبحطهم فى عنتينى واجمل حاجه انى عمر ماحد قال عليهم ان حد فيهم قليل الادب لان الحمدلله
معلماهم انهم مايشتموش ابداً ومحدش يقول بت ولا ولد كل واحد ليه اسم نندهلوا بيه ودى اجمل حاجه اننا نعلمهم الادب قبل التعليم
لان تعليم من غير ادب قلة ادب , وانا فيه حزب بيقولى ياابله وحزب بيقولى ياميس وحزب بيقولى ياماما وده وكل الاحزاب
فى قلبى وخطفوا قلبى ولو اى حد قربلهم اكلهم زى القطه اللى بتخاف على عيالها
ادعولى ربنا يعينى على عيالى ال 25 طفل ويقوينى على تربيتهم واعلمهم الشقاوة هههههه على رأى ميس الفصل التانى
عيالك مايلين زيك علميهم ياختى يتكلموا انجليزى علميهم جاتك خيبه هههههههههههه وسبحان الله العيال طالعين يحبوا الانجليزى
زيى وسهل عليهم وبيحبوه اكتر من اى ماده تانيه بس مش قد اللعب طبعاً
فيه حاجات ظريفه اوى كنت ناويه اكتبها بس مش فاكره بقيت زهايمر على الاخر
يالا اما اروح اصلى المغرب بقى
استونى الايام الجايه وربنا يستر
يوميات اطفال مشاغبون ومعلمة مجنونة3
هالوووووووووووووووووووو
ورجعنا تانى
اول مادخلت الكلاس لاقيت اللى بيعيطوا ويلى قاعدين فى مكانهم ساكتين
وكالعاده يعنى مافيش جديد
الجوكان حر اوى عندى فى الكلاس بتاعى والمروحه بتجيب هوا سخن مش بارد
جالى محمد باشا ويقولى الدنيا حر انا عرقان عايز اروح عشان استحمى ههههههههههه
حلو بجد عجبنى اوى وهو بيجيب مبرر عشان يروح صغنتوت اوى سناً وشكلاً
كل شويه يجية يقولى الكلمتين دول وقاعد فى مكانه مابيرضاش يعمل حاجه
اجى اصوره يخبى وشه ويموتنى من الضحك بحركاته وههو بيخبى وشه لذيذ بصراحه
بيقولى كلام كده مش فهماهوهو متضايق وكل شويه اقوله ايه مش فاهمه بتقول ايه
بنت عمه او بنت خالته مش عارفه انا هى قاعده جانبه بقولها بيقول ايه فكرت هاتقول مش عارفه
لاقيتها بتقولى بيقولك الساندوتش عكلى الكراسه وزعلانان هالص هالص ههههههههههه
بس هى كانت نضيفهبس هو ولد نضيف اوى بيحب كل حاجته نضيفه برافوا عليه
عندى بنوته اسمها امنيه انا مسمياها امنيه اضه بتقولى يااضه مابتعرفش تقولى ابله تقولى اضه
واما تيجى تعمل اسلوب غلط واصححهولها تبلم وتتك على سنانها وماتتكلمش ابداً هههههههههه
بحس انها لعبه واقفه قدامى واما تقول عايزة اتمرجح تقول عايزة اضح هههههههه
ولا امير بقى كل كلامه حرف واحد تقريباً ههههههههههه
بيقولى ابا شوفتو بقيت ابا على اخر الزمن هو مابيعرفش يتكلم كل شويه يجى يخبط عليا
كأنه بيخبط على حيط ويهزيلى ايديه ويقولى ابا ايز ها بيعملى الحركه بيأيده طبعا عايز يتمرجح
وكلامه كله بايده لسانه تقيل جداً بس شطور وخطه حلو
زياد الغتت صامت دايماً مابكتبش غير لما ازعقله دى حسب ماقالولى عندهم انى لازم اضربه عشان يسمع الكلام
بس انا اخرى ازعق وهلاص هههههههههههههههه
مصطفى دايماً مطرش بس الايام دى مقضيها ضحك هو وشمس العشريه ويجى ساعه الكتابه وعايز يروح
هههههههههه وشمس الايام دى عايزة تروح عند منار البت دى بجد عشريه اوى عندها استعداد تعيط يومين متواصلين
مش عارفه اليوم الجاى هتقولى عايزة اروح عند مين لا وانا كل شويه اطبطب حاضر ياحبيبتى هتروحى
بس مش تعيطى عشان عنتيكى الحلوتين دول مش يحمروا اوك ههههههه وهى متنحه طبعاً مستغربه للهجتى
لان لهجتها كأنها ست عندها 100 سنه دانا ناموسه غتته قرصتنى وهى كانت بتعيط فاقولت اى ناموسه
لان لهجتها كأنها ست عندها 100 سنه دانا ناموسه غتته قرصتنى وهى كانت بتعيط فاقولت اى ناموسه
راحت ساكته وقالت ناموسيى ههههههههه شوفوا نطقها فى ناموسه بس هى جميله ماشاء الله عليها وذكيه جداً
وحسن بقى عسوله اوى صغنتوت هالص وماشاء الله عليه طفل بمعنى طفل مايعرفش يشيل القلم من مكانه
بيضحك اوى لما اتخن صوتى وانا بتكلم يموت من الضحك ضحكته ماشاء الله تجنن اقوله انت كايب الطعامه تى منين
يضحكاوى ويقولى من البيت ههههههههههه ويزعل اوى لوكشرت فى وشه يحط وشه فى الارض وياخد على خاطره
ويخاصمنى طبعاً مقدرش على زعله اصالحه على طول بموت فيه وهو بيسمعلى سوره الفاتحه ياخلااااااااااااشى
ههههههههههههههه
والواد زياد اللمض ده بقى مجننى لمض اوى ومسترجل استرجال عيال هههههههههههه
مامته وهى جايه تاخده بتقولى والله يامس حنين ده زياد بيحبك اوى وبيقول ياماما دى مس حنين طيبه اوى
وحنينه جداً بتطبطب علينا ومابتزعلناش هالص انا بحبها اوى ياماما والله هههههههههههه قولتلها ياكسوفى
حتى العيال بيقولوا عليا كده لا كده ماينفعش ههههههههههه
وفيه بردوا واحده كانت جايبه بنتها يوم واحد وبنتها مارضيتش تقعد مامتها خادتها ماهنش عليها بنتها
شافتنى مره وانا ماشيه ندهت عليا واخدتنى بالحضن وفضلت تبوس فيا مع انها ماشفتنيش غير مره واحده بس
بتقولى وحشتينى اوى والله انا بحبك اوى وكل الامهات اللى عيالهم عندك بيحبوكى اوى ربنا يخليكى يارب
ويحبب فيكى خلقه انت تتحبى والله وتدخلى القلب على طول يانونا بتدلعنى كمان ياسلام بصراحه اتكسفت ووشى احمر
هههههههههه معرفتش اقولها ايه اصل انا ياجماعه شكلى زى العيال فى الاول محدش كان مصدق انى مدرسه مفكرنى
ليا اخ جيباه ولا حاجه ههههههههههه حتى الاطفال فى الاول كانوا مفكرنى بنت جايه كده ههههههههههه
مش ماليا عين حد انا لازم اربرب شويتين تلاته
بس بجد العيال فيهم الهادى وفيهم اللى يشل وفيه الشقى بدم خفيف
الواد وائل كل يوم يجى الكلاس يعيط ويصوت وعايز يروح مع امه واما نيجى يروح مايرضاش يروح
وعايز يقعد ويتنح كل يوم على كده ومسترجل بقى لو حد زعقله على غلط عمله يزعل وعايز يروح ويتنح
ازاى ان حد يزعقله على غلط عمله ههههههههههه لا راجل ياض
العيال دى بتموت فى الهيصه ساعة اللعب والاناشيد حلوين اوى ودمهم خفيف ومنسجمين معايا
ساعه الجد والكتابه والشرح بيبقوا فى عالم تاالت وساعة الكمبيوتر مايبطلوش اسئله
كفايه النهارده كده انا مش فاكره حاجات كتير كانت شقيه ودمها خفيف ذاكرتى باظت والحمدلله
دانا بروح البيت مش شايفه قدامى وبقول فينك ياسرير
اشوفكم فى يوم جديد
تابعونى
يوميات اطفال مشاغبون ومعلمة مجنونة2
كل يوم الصبح الواحده تصحى من النجمه عشان تقوم تصتبح
بوجوه جميله كلها برأة وبشاشه كده وطفوله كلها شقاوة
الكلام ده كان السنة اللى فاتت ، تعالوا بقى السنة دى
كل يوم الصبح الواحده تقوم من النجمه عشان تقوم تصتبح
بوجوه بردوا جميله وزى القمر وشقاوة ودلع بس ايه زياده معاهم
تناحه ورخامه وغلاسه وعيط طول اليوم مافيش فصال
الواحده تدخل الكلاس من هنا تقول يافتاح ياعليم يارزاق ياكريم
بجد مابقاش فيه اطفال دول كبار بس على قصير بغض النظر عن حجم الجسم
تعالوا نبتدى بمصطفى وشمس
تعالوا نبتدى بمصطفى وشمس
دول ماشاء الله تكلم الطفل منهم تحس انك بتكلم حد تانى وبعد ماتخلص كلام ها
بتكلمينى يامس اتنح انا وماعرفش اقول ايه تنده على الطفل من هنا عشر ساعات
يفضل يدور انا بنده على مين مع ان مافيش غيره بالاسم ده اقوله يابنى انت ليك اسم تانى
غير اسم مصطفى يقول لا انا اسمى مصطفى ولا كأنى بكلم حد كأنه اطرش بس طلع بيسمع كويس
قولت اكيد العيب فى صوتى لازم اشحن بنزين عشان اتقوى شويتين
وكله كوم والبت شمس بتاعت اروح عند امه كوم تانى دى بتيجى لوحدها الروضه لان بيتهم جنب البيت
اول ماتيجى عند الباب تشغل اسطوانه العياط فيه ايه يابنتى ودينى عند امه ههههههه امك لا امه هو
امه ده ده الواد اللى بنده عليه ومش عارف انا بنده على مين ماهو يبقى قريبه بعد انهاء الدراسه راحت معاه عند
امه العيال كله تقول ودينى لماما ودى تقول ودينى لامه هههههههه والله لذيذه تيجى تانى يوم تخلص عند امه
تقولى ودينى عند تيته فى راس البر اتصلى بيها تيجى ههههههه طيب دى اجيبهالك منين مش عارفه انا واليوم اللى بعده
هاتيلى عمتو داليا ههههههه البت دى بتفتكرالعيله كلها وقت الروضه ولا ايه لا بجد اصيله وعندها صلة الرحم متصله
بنت حلال والله ههههههه وعندها استعداد تفضل تعيط يومين ورا بعض عادى يعنى مايهمهاش المهم انها تصدع المس
وماتسكتش غير لما تقولى قاعدينى على رجلك وانا اسكت هههه اعمل ايه هاسيب الشرح واخدها على رجلى انا ليا بركه الا راحتها
هههههههه
نكمل بكره
مع
يوم جديد من يوميات
اطفالى
الاشتراك في:
الرسائل (Atom)
المشاركات
